TƏRBİYƏ VƏ CƏZAÇƏKMƏ MÜƏSSİSƏSİNDƏ BAYRAM TƏDBİRLƏRİ KEÇİRİLMİŞDİR
Ədliyyə Nazirliyi Məhkəmə Qərarlarının İcrası Baş İdarəsinin mətbuat xidmətindən AZƏRTAC-a bildirmişlər ki, “Cəza çəkmiş məhkumların cəmiyyətə qayıdışı” Birliyinin təşəbbüsü və köməyi, “Space” telekanalının “Tək səbir” verilişinin yaradıcı heyətinin, “Kristal” qrupunun, R.Behbudov adına Mahnı Teatrı solistlərinin iştirakı ilə Uşaqları Beynəlxalq Müdafiə günündə baş idarənin tabeliyindəki tərbiyə müəssisəsində və qadın məhkumların cəza çəkdiyi 4 nömrəli müəssisədə bayram tədbirləri keçirilmişdir.
Həmin gün “El” inkişaf proqramları mərkəzinin təşəbbüsü ilə tərbiyə müəssisəsində xeyriyyə tədbiri keçirilmiş və yeniyetmələrə idman ləvazimatı hədiyyə olunmuşdur. Tədbirdə Azərbaycan Qızıl Aypara Cəmiyyətinin məsul işçiləri və könüllüləri də iştirak etmişlər.
