Tərtərli gənclər pandemiyaya qarşı mübarizə tədbirlərinə dəstək verirlər
Tərtər, 30 may, AZƏRTAC
Azərbaycan Könüllülərinin Əlaqələndirmə Mərkəzinin (AKƏM) başlatdığı “Bir-birimizi qoruyaq” kampaniyası çərçivəsində Gənclərin İnkişaf və Karyera Mərkəzinin Tərtər nümayəndəliyinin “Gənc könüllüləri” cəmiyyətimizin sağlamlığı naminə fəaliyyəti davam etdirirlər.
AZƏRTAC-ın bölgə müxbiri xəbər verir ki, kampaniya çərçivəsində gənclər Tərtər şəhərinin mərkəzi küçələrində vətəndaşlar arasında maarifləndirmə işləri aparıb, əllərini dezinfeksiya etdikdən sonra onlara əlcək və maska paylayıblar.
“Bir-birimizi qoruyaq” kampaniyası karantin rejiminin yumşaldılması ilə əlaqədər vətəndaşların kütləvi toplaşdığı yerlərdə sosial məsafənin qorunması və digər davranış qaydaları barədə ictimai maarifləndirmənin aparılması, cəmiyyətimizin sağlamlığının qorunması məqsədi daşıyır.
Bölmənin digər xəbərləri
