“The Hill”: Amerikalıların əksəriyyəti Venesuela ilə müharibə istəmir
Bakı, 24 noyabr, AZƏRTAC
Amerikalıların əksəriyyəti ABŞ ilə Venesuela arasında müharibə ideyasına qarşıdır.
AZƏRTAC xarici mediaya istinadla xəbər verir ki, bu barədə “The Hill” nəşri “CBS” telekanalı və “YouGov” sosioloji xidməti tərəfindən keçirilən sorğunun nəticələrinə istinadla məlumat yayıb.
Rəy sorğusunda iştirak edən respondentlərin 70 faizi ABŞ-ın Venesuelada hərbi tədbirlərinə qarşı olduğunu, 30 faizi isə hərbi müdaxilə ssenarisini dəstəklədiyini bildirib. Nəşrin məlumatına görə, noyabrın 19-dan 21-dək keçirilən sorğuda 2489 amerikalı iştirak edib.
Bundan əvvəl Ağ Evdəki mənbələr “Reuters” agentliyinə bildiriblər ki, ABŞ yaxın günlərdə Venesuelaya qarşı hərbi əməliyyatların yeni mərhələsinə keçməyə hazırlaşır.
Bölmənin digər xəbərləri
