Tokayev: Qlobal qeyri-sabitlik dövründə türk dövlətlərinin birliyi xüsusi əhəmiyyət kəsb edir
Astana, 15 may, AZƏRTAC
Qlobal qeyri-sabitlik dövründə türk dövlətlərinin birliyi xüsusi əhəmiyyət kəsb edir.
AZƏRTAC Qazaxıstan Prezidentinin mətbuat xidmətinə istinadla xəbər verir ki, bunu Prezident Kasım-Jomart Tokayev Türküstan şəhərində Türk Dövlətləri Təşkilatının (TDT) Dövlət başçılarının qeyri-rəsmi Zirvə görüşündə bildirib.
“Biz mürəkkəb və qeyri-sabit geosiyasi vəziyyətdə yaşayırıq. Beynəlxalq və regional səviyyədə rəqabətin daha da gücləndiyi müşahidə olunur. Tez-tez silahlı toqquşmalar və müharibələr baş verir. Bu proseslərin dünya iqtisadiyyatında sabitliyi necə pozduğunu hamımız görürük. Yaxın Şərqdəki vəziyyətin mənfi nəticələri artıq qonşu region ölkələrində də hiss olunmağa başlayıb”, – deyə Qazaxıstan lideri vurğulayıb.
Tokayevin sözlərinə görə, türk dövlətlərini əsrlərə söykənən ortaq tarix birləşdirir və mövcud şəraitdə onlar ümumi tərəqqi naminə iqtisadi və investisiya tərəfdaşlığını fəallaşdırmalı, səylərini birləşdirməlidirlər.
Bölmənin digər xəbərləri
