Tramp “Müsəlman Qardaşları”nın xarici terror təşkilatı elan edilməsi barədə sərəncam imzalayıb
Vaşinqton, 25 noyabr, AZƏRTAC
ABŞ Prezidenti Donald Tramp Müsəlman Qardaşları təşkilatının bəzi şöbələrinin Xarici terror təşkilatları və xüsusi təyin edilmiş qlobal terrorçular siyahısına daxil edilməsi prosesinə başlamağı tapşıran sərəncam imzalayıb.
AZƏRTAC xəbər verir ki, o, prosesin icrasını dövlət katibi Marko Rubio və xəzinədarlıq katibi Skot Bessentə tapşırıb.
“Bu sərəncam imzalandığı gündən sonrakı 30 gün ərzində dövlət katibi və xəzinədarlıq katibi Baş Prokuror və milli kəşfiyyat direktoru ilə məsləhətləşmələrdən sonra Livan, İordaniya və Misirdəki bölmələr də daxil olmaqla Müsəlman Qardaşlarının hər hansı bir bölməsinin xarici terror təşkilatı təyin edilməsi ilə bağlı prezidentin milli təhlükəsizlik məsələləri üzrə köməkçisi vasitəsilə Prezidentə birgə hesabat təqdim etməlidirlər”, - deyə sərəncamda qeyd olunur.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
