Tuğ kəndində tematik turizmin inkişafı istiqamətdə işlər aparılır
Bakı, 19 iyul, AZƏRTAC
Hadrut qəsəbəsi və Tuğ kəndinin turizm potensialı çox genişdir. Hazırda burada tematik turizmin inkişafı istiqamətdə işlər aparılır.
Bu barədə AZƏRTAC-a açıqlamasında Dövlət Turizm Agentliyi sədrinin müşaviri Kənan Quluzadə deyib.
Agentlik nümayəndəsi qeyd edib ki, xüsusilə Tuğun qədim hissəsinin bərpası və konservasiyası aparılır: “Hələki layihələndirmə səviyyəsindəyik. Əsas istiqamətlərdən bir də Tuğ kəndində şərabçılığın inkişaf etdirilməsidir. Bura şərabları ilə məşhur olub. Qarabağın məşhur üzüm sortlarından olan “Xindoqnı” üzüm sortu bərpa olunub və müasir üsullarla öyrənilir. Tuğ kəndi də bu növ üzümün yetişdirildiyi əsas məkanlardan biridir. Layihələrin reallaşdırılması planlaşdırılan digər istiqamətlərdən biri də Hadrutdur. Burada da tematik turizm inkişaf etdiriləcək”, - deyə K.Quluzadə əlavə edib.
Bölmənin digər xəbərləri
