Tunisdə yol qəzası nəticəsində səkkiz nəfər ölüb
Bakı, 21 fevral, AZƏRTAC
Tunisdə baş verən yol-nəqliyyat hadisəsi nəticəsində səkkiz nəfər ölüb, dörd nəfər isə yaralanıb.
AZƏRTAC Mosaique FM radio stansiyasına istinadla xəbər verir ki, ölkənin cənub-şərqindəki Qabes əyaləti ilə cənub-qərbdəki Kebili əyalətini birləşdirən əsas yolda taksi və yük maşını toqquşub. Qəza nəticəsində taksinin yeddi sərnişini, həmçinin bir piyada həlak olub.
"Yaralılar Kebili regional xəstəxanasının təcili yardım şöbəsinə yerləşdirilib, onlardan birinin vəziyyəti ağırdır", - deyə radiostansiyanın məlumatında bildirilir.
Bölmənin digər xəbərləri
