Turində kilsədə qaz sızması baş verib: 50 nəfər xəstəxanaya yerləşdirilib
Roma, 31 mart, AZƏRTAC
İtaliyanın Turin şəhərində Pasxa bayramı ilə əlaqədar dini mərasimin keçirildiyi San Kostanso kilsəsində təbii qaz sızması baş verib.
AZƏRTAC xəbər verir ki, nəticədə mərasim yarımçıq qalıb və kilsə dərhal boşaldılıb. Hadisə yerinə gələn səhiyyə işçiləri dəm qazından zəhərlənən insanlara ilkin tibbi yardım göstərib.
Ümumilikdə 50 nəfər xəstəxanaya yerləşdirilib. Onların heç birinin vəziyyəti ağır deyil. Bir uşağın xəstəxanada hiperbarik kamerada oksigen terapiyası ilə müalicə olunduğu bildirilib.
Yanğınsöndürənlər və polisin apardığı araşdırmalara görə, qaz sızmasına səbəb kilsənin qazanxanasındakı nasazlıq olub.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
