Türk dünyasının rəssamları Kapadokiyada bir araya gəlib
Ankara, 25 avqust, AZƏRTAC
Türkiyənin turizm bölgəsi olan Kapadokiyada “Türk dünyası rəssamlarının beynəlxalq görüşü” keçirilir.
AZƏRTAC xəbər verir ki, Nevşehir valiliyinin himayəsi ilə təşkil olunan tədbirin məqsədi Türk dünyası ölkələrinin rəngkarlıq ənənələrini təbliğ etməkdir.
Açılış mərasimi Məryəm Ana tarixi kilsəsinin ərazisində keçirilib.
Görüşdə Azərbaycanı rəssam Məhərrəm Əliyev təmsil edir.
Həftə ərzində müxtəlif türk ölkələrindən olan rəssamların açıq havada keçirəcəkləri ustad dərsləri ilə yanaşı, Kapadokiya mövzusunda rəsm əsərlərinin çəkilməsi də nəzərdə tutulur. Bu əsərlər avqustun 29-da keçiriləcək sərgidə ictimaiyyətə təqdim olunacaq.
Tədbir avqustun 30-da başa çatacaq.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
