Türk şirkəti Kəlbəcər və Laçında 5 KSES-in yenidən qurulmasını həyata keçirəcək
Bakı, 21 dekabr, AZƏRTAC
Gələn həftə Azərbaycan İnvestisiya Şirkəti (AİŞ) ilə Türkiyənin "Dəmirörən" Holdinqi Kəlbəcər və Laçında 5 kiçik su elektrik stansiyasının yenidən qurulmasına dair saziş imzalayacaqlar.
AZƏRTAC xəbər verir ki, bu barədə AİŞ-in icraçı direktoru Ülvi Mansurov dekabrın 21-də Bakıda keçirilən Heydər Əliyevin və Türkiyə Cümhuriyyətinin 100 illiyinə həsr olunmuş Azərbaycan-Türkiyə İnvestisiya Forumu çərçivəsində baş tutan “Azərbaycan Respublikasında investisiya qoyuluşu imkanları” panelində çıxışı zamanı bildirib.
O bildirib ki, hazırda AİŞ türk şirkətləri ilə daha üç layihə hazırlayır.
Bölmənin digər xəbərləri
