Türkər Qasımzadə: Qarabağ Universiteti qısa müddətdə ölkəmizin ən qabaqcıl ali məktəblərindən birinə çevrilib
Xankəndi, 30 noyabr, Tahir Ağaməmmədov, AZƏRTAC
Qarabağ Universiteti qısa müddətdə ölkəmizin ən qabaqcıl ali məktəblərindən birinə çevrilib. Qarabağ Universitetinin bir illiyi həqiqətən də böyük bayramdır. Çox qürurverici hissdir.
Bunu AZƏRTAC-ın bölgə müxbirinə müsahibəsində Qarabağ Universitetinin İncəsənət fakültəsinin dekanı Türkər Qasımzadə deyib.
O bildirib ki, İncəsənət fakültəsi Qarabağ Universitetinin bir illiyini konsert və fərdi sərgi təşkil etməklə qeyd edir. “Müəllimlərin əl işləri, o cümlədən şüşə, yağlı boya, keramika və sair texnikalarda fotolar sərgiləndi. Eyni zamanda, İncəsənət fakültəsinin müəllim və tələbələrinin iştirakı ilə konsert təşkil olundu. Bu konsertdə müxtəlif janrlarda Azərbaycan bəstəkarlarının, həmçinin Avropa və Amerika bəstəkarlarının əsərləri səsləndirildi. Bunlar çox gözəl hisslərdir. İncəsənət fakültəsi olaraq fəaliyyətimizi daha da genişləndirəcəyik”, – deyə dekan bildirib.
Bölmənin digər xəbərləri
