Türkiyə ötən il 59 ixrac bəndi üzrə tədarük həcmini artırıb
Ankara, 11 mart, AZƏRTAC
2024-cü ilin sonuna qədər Türkiyə istehsalçıları məhsulunun ixracının ümumi həcmi bu ölkənin Ticarət Nazirliyinin müəyyən etdiyi 97 ixrac bəndinin 59-u üzrə artıb.
AZƏRTAC bu barədə Türkiyə Statistika Qurumuna (TÜİK) istinadla xəbər verir.
TÜİK Türkiyənin 2024-cü ildə ixrac həcminin bir əvvəlki ilə görə 2,4 faiz artaraq rekord həddə - 261 milyard 855 milyon dollara çatdığını qeyd edib. Müqayisə üçün qeyd edək ki, 2023-cü ildə Türkiyənin ixrac həcmi 255 milyard 627 milyon dollar olub.
2024-cü ildə Türkiyənin 54 kateqoriya üzrə ixracatı 1 milyard dolları keçib.
Eyni zamanda, Türkiyənin təkcə İT və innovasiya sektoru bir il ərzində 4,9 milyard dollar dəyərində məhsul ixrac edib ki, bu da 2023-cü ilin göstəricisindən iki dəfə çoxdur.
Ankara
Bölmənin digər xəbərləri
