Türkiyə Prezidenti: Trampa qarşı sui-qəsdin təhqiqatının ən effektiv şəkildə aparılacağına inanıram
İstanbul, 14 iyul, Günel Karatepe, AZƏRTAC
ABŞ-ın 45-ci prezidenti və prezidentliyə namizəd Donald Trampa qarşı sui-qəsdi qətiyyətlə qınayıram. Trampa, onun ailəsinə və yaxınlarına ən səmimi hisslərimlə “keçmiş olsun” diləklərimi çatdırıram.
AZƏRTAC xəbər verir ki, bu ifadələr Türkiyə Prezidenti Rəcəb Tayyib Ərdoğanın sosial media hesabında edilən paylaşımında yer alıb.
“İnanıram ki, ABŞ seçkilərinə və qlobal sabitliyə kölgə salmamaq üçün hücumun təhqiqatı ən effektiv şəkildə aparılacaq, onu törədənlər və təhrik edənlər ən qısa zamanda ədalət qarşısında cavab verəcəklər.
Türkiyə olaraq dost və müttəfiq ABŞ xalqının yanında olacağıq”, -deyə Prezident Ərdoğan paylaşımında qeyd edib.
Bölmənin digər xəbərləri
