TÜRKİYƏ YUNANISTANA KİPRİN ŞİMAL HİSSƏSİNİN HAVA MƏKANINDA UÇUŞ HÜQUQU VERƏCƏK
AZƏRTAC xəbər verir ki, “Milliyyət” qəzetinin yazdığına görə, Turkiyə Yunanıstana Kiprin paytaxtı Nikosiyanın türklərə aid hissəsinin hava məkanında mülki aviareyslər üçün uçuş keçirmək hüququ verəcəkdir. Bu qərar avqustun 13-də Afinada Olimpiya oyunlarının başlanması ilə əlaqədar qəbul olunmuşdur. Türkiyənin Nikosiya üzərində ayırdığı dörd hava dəhlizi, ilk növbədə, Yunanıstan-İsrail reyslərini təmin edəcəkdir.
Avropa Aeronaviqasiyanın Təhlükəsizliyi Məsələləri Təşkilatının sədri Xristos Petru demişdir: “Ankaranın bu jesti Türkiyə ilə Yunanıstan arasında diplomatik münasibətlərin yaxşılaşmasına xidmət etməlidir”.
Bölmənin digər xəbərləri
