Türkiyənin Adana şəhərində Xocalı soyqırımına həsr olunan anım mərasimi keçirilib
Adana, 18 fevral, AZƏRTAC
Türkiyənin Adana şəhərində fəaliyyət göstərən Çukurova Universitetində Xocalı soyqırımı 30-cu ildönümünə həsr olunan anım mərasimi keçirilib.
AZƏRTAC xəbər verir ki, universitetin professor, müəllim və tələbə heyətinin iştirakı ilə keçirilən mərasimdə əvvəlcə şəhidlərimizin əziz xatirəsi bir dəqiqəlik sükutla yad edilib, Azərbaycan və Türkiyənin Dövlət himnləri səsləndirilib.
Xocalı soyqırımının dəhşətlərini əks etdirən film nümayiş olunub, qısa bədii proqram təqdim edilib.
Ötən əsrin ən ağır cinayətlərindən biri sayılan Xocalı soyqırımını törədənlər kəskin şəkildə qınanılıb. Bildirilib ki, Xocalı soyqırımının bütün məsuliyyəti təcavüzkar Ermənistan dövlətinin üzərinə düşür.
Sabir Şahtaxtı
AZƏRTAC-ın xüsusi müxbiri
Adana
Bölmənin digər xəbərləri
