UEFA Gənclər Liqası: Asim Xudiyev “Qəbələ”nin oyununa təyinat alıb
Bakı, 28 sentyabr, AZƏRTAC
Beynəlxalq dərəcəli hakim-inspektor Asim Xudiyev növbəti dəfə UEFA-dan təyinat alıb.
AZƏRTAC AFFA-nın rəsmi saytına istinadən xəbər verir ki, o, UEFA Gənclər Liqasının I mərhələsində “Qəbələ” və Macarıstanın “Puşkas Akademiyası” klubu arasında keçiriləcək qarşılaşmanın hakim-inspektoru olacaq.
Qeyd edək ki, oktyabrın 4-də Qəbələ şəhər stadionunda təşkil olunacaq oyunu Qazaxıstandan olan hakimlər briqadası idarə edəcək. Saat 16:00-da start götürəcək qarşılaşmada dördüncü hakim funksiyasını isə Tural Qurbanov yerinə yetirəcək.
Bölmənin digər xəbərləri
