UEFA Konfrans Liqası: “Neftçi” və “Sabah”ın Bakıdakı oyunlarının başlama saatı bəlli olub
Bakı, 19 iyul, AZƏRTAC
Bakının “Neftçi” və “Sabah” futbol klublarının UEFA Konfrans Liqasının ikinci təsnifat mərhələsində Bakıda keçirəcəyi oyunların başlama saatı bəlli olub.
AZƏRTAC xəbər verir ki, “Sabah”ın avqustun 3-də oynanılacaq matç saat 20:00-da, “Neftçi”nin ev matçı isə saat 21:00-da başlayacaq.
“Neftçi”nin ikinci mərhələdəki rəqibi “Jelezniçar” (Bosniya və Herseqovina) - “Dinamo” (Minsk, Belarus) cütünün qalibi olacaq. Komandalar arasında keçirilən ilk oyun 2:2 hesabı ilə başa çatıb.
“Sabah” isə “Makedoniya” (Şimali Makedoniya) - RFŞ (Latviya) cütünün güclüsü ilə üz-üzə gələcək. Bu komandaların ilk oyununda isə RFŞ minimal hesablı qələbə qazanıb - 1:0.
Qeyd edək ki, Konfrans Liqasındakı digər təmsilçimiz “Qəbələ”nin oyunlarının saatı daha əvvəl açıqlanmışdı. İyulun 27-də Qəbələdə Kiprin "Omoniya" klubu ilə keçiriləcək oyun saat 20:00-da, avqustun 3-də səfərdə keçirəcək qarşılaşma isə Bakı vaxtı ilə saat 21:00-da başlayacaq.
Bölmənin digər xəbərləri
