UEFA NÜMAYƏNDƏLƏRİ BAKIDA İMTAHAN GÖTÜRƏCƏKLƏR
Bakı, 13 yanvar (AZƏRTAC). Bakıda UEFA-nın B kateqoriyalı kurslarının üçüncü mərhələsi başlamışdır. Bu mərhələdə futbol məşqçiləri imtahan verəcəklər. AFFA tərəfindən təşkil olunan seminar iştirakçılarından imtahanları UEFA-nın Məşqçilərin Tədris Komitəsinin 2 üzvü - Franko Ferrari və Paolo Piani götürəcək. İmtahan prosesində ilk gündən seminara rəhbərlik edən Azərbaycanın 15 yaşadək futbolçulardan ibarət yığma komandasının baş məşqçisi Oliver Pelzer, 17 və 21 yaşadək futbolçulardan ibarət yığmaların baş məşqçisi Bernhard Lippert də iştirak edirlər.
Məşqçilər yanvarın 14-dən 16-dək imtahan verəcək.
Bölmənin digər xəbərləri
