Ukrayna münaqişənin həlli üçün ilkin şərtlərini açıqlayıb
Bakı, 16 may, AZƏRTAC
Kiyev üçün sülhün ilkin şərtləri atəşkəs rejimi və əsir mübadiləsi olaraq qalır.
AZƏRTAC xəbər verir ki, Ukraynanın müdafiə naziri Rüstem Umerov bunu münaqişənin həllinə dair Kiyevin ilkin şərtlərini açıqlayan zaman deyib.
“Sülh yalnız Rusiyanın 30 günlük atəşkəsə, oğurlanan uşaqların geri qaytarılmasına və hərbi əsirlərin hamı-hamıya prinsipi ilə mübadiləsinə razılaşacağı təqdirdə mümkün ola bilər”, - deyə ukraynalı nazir bildirib.
Qeyd edək ki, mayın 16-da Türkiyənin paytaxtı İstanbulda Kiyev və Moskva arasında 2022-ci ildən bəri ilk birbaşa danışıqlar baş tutacaq. Danışıqlarda Ukrayna nümayəndə heyətinə müdafiə naziri Rüstem Umerov, Rusiya nümayəndələrinə isə Prezident Vladimir Putinin köməkçisi Vladimir Medinski başçılıq edir.
Bölmənin digər xəbərləri
