Ukrayna ordu üçün 125 mindən çox dron alıb
Bakı, 28 sentyabr, AZƏRTAC
Ukraynanın hakimiyyət orqanları “Dron ordusu” layihəsi çərçivəsində silahlı qüvvələr üçün 125 mindən çox pilotsuz uçuş aparatı alıb.
AZƏRTAC xəbər verir ki, bunu Ukrayna Xüsusi Rabitə Xidmətinin rəhbəri Yuri Şiqol “Rada” telekanalının efirində deyib.
“Bizim vəzifəmiz Ukrayna Silahlı Qüvvələrini lazım olan avadanlıqla təmin etməkdir. İndiyədək 40 milyard qrivna (1,09 milyard dollar) həcmində maliyyələşən dövlət proqramı çərçivəsində 125 mindən çox dron alınıb”, - deyə Yuri Şiqol “Dron ordusu” layihəsinin nəticələri barədə suala cavab verərkən bildirib.
Qeyd edək ki, Yuri Şiqol Ukrayna hökumətinin ilin sonunadək ordu üçün 200 min pilotsuz uçuş aparatı almaq niyyətində olduğunu bildirib. Onun sözlərinə görə, Ukrayna ordusu sutka ərzində orta hesabla 45 ədəd dron itirir.
Bölmənin digər xəbərləri
