Ukrayna Prezidenti: Dost və silahlardan başqa təhlükəsizlik zəmanəti yoxdur
Kiyev, 25 sentyabr, AZƏRTAC
Yalnız güclü dostlar və silahlar təcavüzkarı dayandıra bilər.
AZƏRTAC xəbər verir ki, bunu Ukrayna Prezidenti Volodimir Zelenski BMT Baş Assambleyasının ümumi müzakirələrində çıxışı zamanı deyib.
“Bu gün bizdən başqa heç kim təhlükəsizliyimizi təmin edə bilməz. Yalnız güclü alyanslar, tərəfdaşlar və yalnız bizim öz silahımız. Əgər bir millət sülh istəyirsə, o, silahına diqqət yetirməlidir”, – deyə Ukrayna Prezident vurğulayıb.
Zelenski qeyd edib ki, hazırda nə beynəlxalq hüquq, nə də əməkdaşlıq deyil, məhz silah kimin sağ qalacağına qərar verir. O, əlavə edib ki, arxanda dayanmaq istəyən güclü dostlar yoxdursa, beynəlxalq hüquq tam işləməyəcək. Hətta bu da silahsız işə yaramır.
“Dost və silahlardan başqa təhlükəsizlik zəmanəti yoxdur. Heç bir ukraynalı belə reallığı seçməmişdi. Ukraynalılar sülhsevər insanlardır, amma onlar yaşamaq istəyirlər. Azad, özlərinin müstəqil ölkələrində yaşamaq istəyirlər. Lakin qanlı münaqişə zamanı heç bir beynəlxalq institut Ukrayna xalqını dayandıra bilməz”, – deyə Prezident əlavə edib.
Kiyev
Bölmənin digər xəbərləri
