Ukrayna və Serbiya prezidentləri ikitərəfli əməkdaşlığı müzakirə ediblər
Kiyev, 12 iyun, AZƏRTAC
Ukrayna və Serbiya prezidentləri Volodimir Zelenski ilə Aleksandr Vuçiç Odessada ikitərəfli əməkdaşlığı müzakirə ediblər.
AZƏRTAC xəbər verir ki, bunu Serbiya Prezidenti Aleksandr Vuçiç Odessada Ukrayna-Cənub-Şərqi Avropa sammitində çıxışı zamanı deyib.
Vuçiçin sözlərinə görə, o, Zelenski ilə ikitərəfli əməkdaşlıq, Ukraynaya humanitar yardım və bəzi digər məsələləri müzakirə edib.
"Mən Serbiya və Ukrayna arasında əməkdaşlığın yeni sahələrini təklif etdim, Prezident Zelenski ilə ikitərəfli danışıqları planlaşdırdıq. Düşünürəm ki, iqtisadi dövriyyə ilə bağlı bəzi məsələlərimizi həll edə biləcəyik. Ümid edirəm ki, əməkdaşlığımız inkişaf edəcək", deyə Serbiya Prezidenti qeyd edib.
Xatırladaq ki, Aleksandr Vucic tammiqyaslı müharibədən sonra ilk dəfə iyunun 11-də Ukraynaya səfər edib. O, Odessada keçirilən Ukrayna-Cənub-Şərqi Avropa sammitində iştirak edib.
Sammitdə çıxış edən Vuçiç Serbiyanın beynəlxalq hüquqa uyğun olaraq Ukraynanın ərazi bütövlüyünü dəstəklədiyini bildirib. Qeyd edib ki, Serbiya Ukraynanın bir və ya iki şəhərinin və ya regionunun bərpasına kömək etməyə hazırdır.
Kiyev
Bölmənin digər xəbərləri
