ÜLƏMALAR İTTİFAQI İRAQ MÜSƏLMANLARINI KONFESSİYALARARASI ƏDAVƏTİ DAYANDIRMAĞA ÇAĞIRIR
BÜİ-nin İstanbulda başa çatan ikigünlük konfransında qəbul edilmiş bəyanatda deyilir ki, “sünnilər və şiələr öz aralarında düşmənçiliyə son qoymalı və bütün səylərini ümumi düşmənə qarşı mübarizəyə yönəltməlidirlər. Dini zəmində törədilən zorakılıq və qətl hadisələri onsuz da çox ağır vəziyyətdə olan İraq üçün əsil müsibətdir”.
İqamətgahı Dublində (İrlandiya) yerləşən təşkilat şiə və sünni liderlərinin görüşünü tez bir zamanda təşkil etməyə, Şərəf Məcəlləsi yaratmağa da çağırmışdır. Məcəllənin bəndlərindən birində nəzərə çarpdırılmalıdır ki, din qardaşını öldürmək, ona əl qaldırmaq yolverilməzdir.
BÜİ iraqlıları əmin etmişdir ki, tezliklə xüsusi qrup yaradılacaq və o, İraqın böhrandan çıxmasına dair plan hazırlayacaqdır. Bunun üçün, ilk növbədə, konfessiyaların hakimiyyət təsisatlarında bərabər təmsil edilməsinə nail olmaq lazımdır.
Bölmənin digər xəbərləri
