UN-Habitat-ın nümayəndəsi: WUF13 praktik həllərin müzakirəsinə imkan yaradır
Bakı, 21 may, AZƏRTAC
Ümumdünya Şəhərsalma Forumunun 13-cü Sessiyası (WUF13) müxtəlif sahələrdən olan insanları bir araya gətirərək dayanıqlı şəhərlərlə bağlı praktik həllərin müzakirəsinə imkan yaradır.
Bunu Bakıda keçirilən WUF13-də iştirak edən BMT-nin Məskunlaşma Proqramının (UN-Habitat) iqlim dəyişikliyi komandasında çalışan Hindistandan olan nümayəndəsi Raqhav Anand AZƏRTAC-a açıqlamasında deyib.
O bildirib ki, bu cür tədbirlər dünyanın müxtəlif yerlərindən və müxtəlif sektorlardan olan insanları bir araya gətirir.
“Burada müzakirə olunan məsələlər yalnız elmi eksperiment kimi qalmır, dünyanın müxtəlif yerlərində insanlar üçün tətbiq olunabilən həllərə çevrilir”, - deyə o qeyd edib.
O, Azərbaycanın bu prosesdə mühüm rol oynadığını vurğulayıb.
“Azərbaycan COP29 zamanı da müxtəlif qrupları bir araya gətirmişdi. İnsanların sessiyalardan kənarda da görüşüb, söhbət etməsi və tərəfdaşlıq qurması çox vacibdir”, - deyə UN-Habitat nümayəndəsi əlavə edib.
Bölmənin digər xəbərləri
