UŞAQ FUTBOLUNUN İNKİŞAFI MƏQSƏDİLƏ “TOP” JURNALI NƏŞR OLUNUR

21.04.2006 [22:47]
Çap et
A⁺ A^-

AZƏRTAC xəbər verir ki, ölkəmizdə futbolun inkişafına dair Dövlət Proqramına müvafiq olaraq, Bakı Futbol Federasiyası 1995-96-cı il təvəllüdlü uşaqlar arasında ilk dəfədir “Sabahın ulduzları” devizi ilə paytaxt birinciliyi keçirir. “Şəfa” stadionunda keçirilən yarışlarda 10 komanda iştirak edir.

Federasiya Azərbaycanda uşaq futbolunun inkişafına kömək məqsədilə “Top” jurnalının nəşrinə başlamışdır. Uşaqlar arasında keçirilən yarışların nəticələri, eləcə də, futbolun inkişafı istiqamətində ölkədə həyata keçirilən tədbirlər barədə məlumatların əks olunduğu ilk nömrədə Prezident İlham Əliyevin ölkə futbolunun inkişafına göstərdiyi qayğıdan bəhs edən material, Bakı Futbol Federasiyasının prezidenti Cahangir Hacıyevin paytaxt birinciliyinin iştirakçılarına müraciəti, baş redaktor Məzahir Süleymanzadənin “Top meydanın mərkəzindədir”, futbol şərhçisi Urfan Məmmədlinin “Sabahın ulduzları üçün ilk zəng” sərlövhəli yazıları dərc edilmişdir.

Jurnal həftədə bir dəfə, 1000 nüsxə tirajla nəşr olunacaqdır.

UŞAQ FUTBOLUNUN İNKİŞAFI MƏQSƏDİLƏ “TOP” JURNALI NƏŞR OLUNUR

MÜƏLLİFLƏ ƏLAQƏ

Bölmənin digər xəbərləri