“UŞAQLARA TƏMİZ SU – SAĞLAM HƏYAT” LAYİHƏSİ BAŞA ÇATMIŞDIR
Bakı, 1 iyun (AZƏRTAC). “Yeni Həyat” Humanitar və Sosial Dayaq İctimai Birliyi Azərbaycan Respublikası Prezidentinin yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Uşaqlara təmiz su - sağlam həyat” layihəsinin yekunu ilə bağlı “dəyirmi masa” keçirmişdir.
Layihə haqqında məlumat verən ictimai birliyin sədri Nailə İsmayılova bildirmişdir ki, layihə çərçivəsində təmiz suyun insan həyatı üçün zəruriliyi və onun əldə olunması üsulları ilə bağlı uşaqlar arasında maarifləndirmə işinin aparılması məqsədi ilə Mingəçevir və Yevlaxda görüşlər keçirilmiş, “dəyirmi masa”lar təşkil edilmişdir. Tədbirlərdə 90 uşaq iştirak etmişdir. Ümumilikdə isə 1000-dən artıq uşaq layihə barədə məlumat almışdır. Uşaqların maarifləndirilməsi üçün hazırlanmış posterlər, bukletlər, təqvimlər layihənin keçirildiyi yerlərdə paylanılmışdır.
Tədbirdə mövzu ilə bağlı ətraflı müzakirələr aparılmışdır.
Bölmənin digər xəbərləri
