Vakant vəzifələrin tutulması üçün müsahibədə 222 namizəd uğur qazanıb
Bakı, 6 mart, AZƏRTAC
Ümumilikdə 19 dövlət orqanında 495 vakant vəzifənin tutulması üçün Dövlət İmtahan Mərkəzi (DİM) tərəfindən ötən il sentyabrın 17-də elan olunmuş müsabiqə üzrə müsahibə davam edir.
AZƏRTAC DİM-in martın 6-sı saat 12:10-a olan göstəricilərinə əsasən xəbər verir ki, müsahibədə indiyədək 222 nəfər uğur qazanıb. Onlardan 136-sı Qida Təhlükəsizliyi Agentliyində, 26-sı Təhsil Nazirliyində, 19-u Ekologiya və Təbii Sərvətlər Nazirliyində, 18-i Maliyyə Nazirliyində, 17-si Ailə, Qadın və Uşaq Problemləri üzrə Dövlət Komitəsində, yerdə qalanlar isə digər qurumlarda müxtəlif vəzifələrə uyğun bilinib.
Xatırladaq ki, müsahibədə iştirak etmək üçün 3711 nəfər sənəd verib. Müsahibə mayın 4-də başa çatacaq.
Bölmənin digər xəbərləri
