Valentina Matviyenko: Bu gün Rusiya ilə Azərbaycan strateji tərəfdaş və müttəfiqlərdir
Bakı, 17 mart, AZƏRTAC
Bu gün Rusiya ilə Azərbaycan strateji tərəfdaş və müttəfiqlərdir. Bu, ilk növbədə, xalqlarımızın maraqlarına cavab verdiyi üçün mümkün olub.
AZƏRTAC xəbər verir ki, bu sözləri martın 17-də Bakıda keçirilən Azərbaycan Respublikası Milli Məclisi və Rusiya Federasiyası Federal Məclisinin Parlamentlərarası Əməkdaşlıq Komissiyasının 22-ci iclasının açılış mərasimində Rusiya Federasiyası Federal Məclisi Federasiya Şurasının sədri Valentina Matviyenko deyib.
O bildirib: “Biz münasibətlərimizi dostluq, qarşılıqlı hörmət prinsipləri əsasında, bir–birimizin milli maraqlarını nəzərə alaraq qururuq. Əlbəttə ki, bunda əsas rolu Rusiya-Azərbaycan əməkdaşlığının möhkəmləndirilməsi yolunu əsas kimi tutan prezidentlərimiz, liderlərimiz Vladimir Putinin və İlham Əliyevin iradəsi oynayır”.
Bölmənin digər xəbərləri
