VARŞAVADAN İTALİYANIN CƏNUBUNADƏK KÖLƏLƏR AXTARIŞINDA

21.07.2006 [13:28]
Çap et
A⁺ A^-

Silahlı gözətçilərin nəzarəti altında olan və tarlada 10-15 saat işləyərək cəmi 2 avro “əməkhaqqı” alan, qaranlıq və qızdırılmayan baraklarda ancaq quruca çörək və su ilə qidalanan, xəstələndikdə cərimə ödəməyə məcbur edilən binəsib insanlar. AZƏRTAC İtaliyanın “Stampa” qəzetinə istinadla xəbər verir ki, Bari şəhərinin Xüsusi Əməliyyatlar İdarəsi (XƏİ) karabinerlərinin keçirdikləri əməliyyat nəticəsində onlarca polşalı muzdur bu cəhənnəmin “caynağından” qurtarılmışdır. Beləliklə, İtaliyanın cənubundakı Foca əyalətinin aqrar müəssisələrində mövsümi işlərə cəlb edilən polşalı muzdurların istismarı sahəsində ixtisaslaşmış transmilli təşkilat tərəfindən əlaqələndirilən insan alverinin qarşısı alınmışdır.

Kölə halına salınan işçilər arasında özünü öldürənlər də olurdu. Bunu XƏİ karabinerlərinin fəaliyyətinə başçılıq etmiş general Campaolo Qantser bildirmişdir. Antimafioz prosesləri üzrə milli prokuror Pyero Qrasso isə muzdurların yaşadıqları yerlərin əsil həbs düşərgəsini xatırlatdığını söyləmişdir. Bari şəhərinin baş hakimi Cuzeppe de Benedikts insan alverinə və onların köləlikdə saxlanmasına yönəldilmiş qanunsuz fəaliyyətdə iştirakda təqsirləndirilən 27 şəxsin həbs edilməsi üçün order vermişdir. Karabinerlər Avropa və Polşa orderləri əsasında Polşa polisi ilə birlikdə həbslər keçirmişlər.

Polyakların yaşayış və iş şəraiti ilə tanış olduqda adamı dəhşət bürüyür. Onları amansızcasına döyür və vicdansızcasına təhqir edirdilər, xüsusən də bu cəhənnəmdən can qurtarmaq üçün qaçmağa çalışanları. 10-15 saatlıq iş günündən yayınanlar 20 avro məbləğində cərimə ödəməli idilər, halbuki muzdurlara bir saat işləməyə görə müəyyən edilmiş 5 avro əvəzinə qəpik-quruş verirdilər.

VARŞAVADAN İTALİYANIN CƏNUBUNADƏK KÖLƏLƏR AXTARIŞINDA

MÜƏLLİFLƏ ƏLAQƏ

Bölmənin digər xəbərləri