İQTİSADİYYAT
“VERGİ MƏCƏLLƏSİNƏ EDİLƏN ƏLAVƏ VƏ DƏYİŞİKLİKLƏR” MÖVZUSUNDA SEMİNAR KEÇİRİLMİŞDİR
Azərbaycan Respublikası Sahibkarlar (İşəgötürənlər) Təşkilatları Milli Konfederasiyası, “Price Water House Coopers” şirkəti və “Mühasibat uçotu” jurnalı sahibkarlar üçün “Vergi Məcəlləsinə edilən əlavə və dəyişikliklər” mövzusunda seminar keçirmişlər.
Konfederasiyadan AZƏRTAC-a bildirmişlər ki, ASK-nın prezidenti Ələkbər Məmmədov seminarın əhəmiyyəti və məqsədi barədə danışmışdır.
Ekspertlər “Vergi Məcəlləsinə edilən əlavə və dəyişikliklər” barədə iştirakçılara ətraflı məlumat vermiş, onları maraqlandıran sualları cavablandırmışlar.
Tədbirdə yeni qəbul edilmiş əlavə və dəyişikliklərdə sahibkarları narahat edən əsas məsələlər ətrafında müzakirələr aparılmışdır.
Seminarda 30 şirkətdən nümayəndələr iştirak etmişlər.