Veteran cüdoçularımız dünya çempionatında daha bir qızıl medal qazanıblar
Bakı, 12 oktyabr, AZƏRTAC
Mərakeşdə veteran cüdoçular arasında keçirilən dünya çempionatı davam edir.
AZƏRTAC xəbər verir ki, Azərbaycan milli komandası yarışda ikinci qızıl medalını qazanıb. Veteran cüdoçumuz Məmməd Məmmədov M-1kateqoriyası üzrə 73 kiloqram çəki dərəcəsində bütün rəqiblərinə qalib gələrək birinci yerə layiq görülüb. Bundan əvvəl isə komandamızın digər üzvü Fərhad Rəcəbli M-7 kateqoriyası üzrə 90 kiloqram çəki dərəcəsində qalib olub.
Qeyd edək ki, usta cüdoçular arasında keçirilən dünya çempionatı oktyabrın 13-dək davam edəcək.
Bölmənin digər xəbərləri
