“Vikipediya”çılar şəhid Malik Bayramovun doğum günündə xatirəsini yad ediblər
Bakı, 16 mart, AZƏRTAC
Azərbaycan Milli Elmlər Akademiyasının Mərkəzi Elmi Kitabxanasının (MEK) “Vikipediya” Metodiki Mərkəzinin könüllüləri tərəfindən “Azərbaycan Bayrağı” ordenli, şəhid baş leytenant Malik Bayramov haqqında məqalə yaradılıb.
MEK-dən AZƏRTAC-a bildirilib ki, “Vikipediya”nın Azərbaycan dili bölməsində yaradılan məqalədə şəhidin həyatı və döyüş yolu haqqında məlumatlar əksini tapıb.
Məqalədə qeyd olunub ki, Malik Bayramov Cəbrayıl, Füzuli və Tərtər istiqamətlərində gedən döyüşlərdə iştirak edib. O, 1994-cü il mayın 8-də Tərtər rayonu Çaylı-Talış istiqamətlərində gedən döyüşlərdə qəhrəmancasına həlak olub. M.Bayramov ölümündən sonra 1995-ci ildə ümummilli lider Heydər Əliyev tərəfindən “Azərbaycan Bayrağı” ordeni ilə təltif olunub. Şəhid zabit Şamaxının Şəhidlər Xiyabanında dəfn olunub.
Qeyd edək ki, Malik Bayramov 1964-cü il ildə Şamaxının Bağırlı kəndində anadan olub. Martın 15-i onun doğum günü idi.
Bölmənin digər xəbərləri
