Viləş çayının kənarından "Kalaşnikov" avtomatı aşkarlanıb
Masallı, 5 mart, AZƏRTAC
Viləş çayının Masallı şəhəri ərazisindən keçən hissəsinin kənarında, kisənin içərisindən silah-sursat tapılması barədə polisə məlumat daxil olub.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, Masallı Rayon Polis Şöbəsinin əməkdaşları tərəfindən sözügedən əraziyə keçirilən baxış zamanı oradan bir AK-74 markalı avtomat və 4 patron aşkarlanaraq götürülüb.
Fakt üzrə araşdırma aparılır.
Bölmənin digər xəbərləri
