Vitse-prezident: Türkiyə demokratiyaya hücumların əleyhinədir
Ankara, 14 iyul, AZƏRTAC
Türkiyə hər zaman demokratiyaya hücumların və qanunsuz hərəkətlərin əleyhinə olub. Ölkəmiz bu məsələdə Amerika xalqını dəstəkləyir.
AZƏRTAC xəbər verir ki, bu barədə iyulun 14-də Türkiyənin vitse-prezidenti Cevdet Yılmaz ABŞ prezidentliyinə namizəd Donald Trampa sui-qəsd cəhdini pisləyən paylaşımında qeyd edib.
“Mən ABŞ-ın 45-ci prezidenti və Ağ evin başçısı vəzifəsinə namizəd Donald Trampa sui-qəsd cəhdini pisləyirəm. Trampa, tərəfdarlarına və bütün ABŞ xalqına dəstəyimizi bildirirəm. Bu sui-qəsd cəhdinin üstünün tezliklə açılmasını gözləyirik”, - siyasətçinin paylaşımında deyilir.
Türkiyənin hakim Ədalət və İnkişaf Partiyası (AKP) da Pensilvaniyada keçirilən seçkiqabağı mitinqdə atışmanı qınayan paylaşım edib.
AKP-nin nümayəndəsi Ömer Çelik “Demokratiyalarda hər hansı zorakılıq yolverilməzdir”, - o qeyd edib.
“Mən Donald Trampa sui-qəsd cəhdini qətiyyətlə pisləyirəm”, - deyə siyasətçi sosial şəbəkələrdə yazıb.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
