Vladimir Kliçko: Mən Olimpiya Oyunlarında bir daha iştirak etmək istədim
Kiyev, 26 fevral, AZƏRTAC
Superağır çəkidə sabiq dünya çempionu ukraynalı Vladimir Kliçko bildirib ki, Rio-de-Janeyroda keçiriləcək və peşəkar boksçuların da buraxılacağı Olimpiya Oyunlarında iştirak etmək haqqında fikirləşmir.
AZƏRTAC xarici KİV-lərə istinadla xəbər verir ki, ukraynalı boksçunun bu qərarı onun britaniyalı Tayson Fyuri ilə revanş matça hazırlaşması ilə bağlıdır. V.Kliçko ötən ilin noyabr ayında ona uduzub və bu barədə hakimlərin qərarı yekdil olub.
“İrish Examiner” Vladimir Kliçkodan sitat gətirir: “Mən həmişə demişəm ki, Olimpiya Oyunlarında bir daha iştirak etmək istərdim, lakin indi Tayson Fyuri ilə revanş matça hazırlaşıram”.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
