WADA rəsmisi: Azərbaycan idmanda şəffaflıq və ədalət prinsiplərinə sadiqdir
Bakı, 13 noyabr, AZƏRTAC
Azərbaycan idmanda şəffaflıq və ədalət prinsiplərinə sadiqdir.
AZƏRTAC xəbər verir ki, bu sözləri Ümumdünya Antidopinq Agentliyinin (WADA) Milli Antidopinq Agentlikləri ilə əlaqələr üzrə meneceri Stefan Trinks “Konstitusiya və Suverenlik İli”nə həsr olunmuş “İdmanda hüquq və ədalət: Yeni antidopinq çərçivəsi” adı altında keçirilən beynəlxalq konfransın açılış mərasimində deyib.
Tədbirin əhəmiyyətindən bəhs edən S.Trinks Bakıda olmaqdan məmnunluğunu dilə gətirib: “Ötən il də AMADA-nın təşkilatçılığı ilə beynəlxalq konfransda iştirak etmişdik. Amma bu il burada olmaq daha xoşdur. Bakını çox bəyənirik və buraya ikinci dəfə gəlmək çox sevindiricidir”. O, tədbirin məhsuldar olacağına inandığını bildirib: “Bu konfrans antidopinq sahəsində təcrübə mübadiləsi və yeni yanaşmaların müzakirəsi üçün mühüm platformadır. Əminəm ki, bu tədbir gələcəkdə daha güclü beynəlxalq tərəfdaşlıqların yaranmasına töhfə verəcək”.
Bölmənin digər xəbərləri
