“Wizz Air” aviaşirkəti Qazaxıstan və BƏƏ arasında müntəzəm uçuşlara başlayacaq
Nur-Sultan, 16 mart, AZƏRTAC
Macarıstanın “Wizz Air” aviaşirkəti bu ilin may ayında Qazaxıstan və BƏƏ arasında müntəzəm uçuşlara başlayacaq.
AZƏRTAC xəbər verir ki, bu barədə Qazaxıstanın Sənaye və İnfrastruktur İnkişafı Nazirliyinin Mülki Aviasiya Komitəsinin mətbuat xidməti məlumat verib.
“Wizz Air” aviaşirkəti 2021-ci il may ayının ortalarından etibarən Əbu-Dabi, Nur-Sultan və Almatı şəhərləri arasında müntəzəm uçuşlara başlayacaq və həftədə iki dəfə “Airbus A321” təyyarəsi ilə uçuş həyata keçiriləcək.
Birtərəfli bileti 43 ABŞ dollarına əldə etmək mümkündür, biletlərin satışı ilə bağlı məlumat artıq şirkətin saytında yerləşdirilib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
