Xabir Xabibullin: Azərbaycanda kəmər güləşi üzrə Avropa çempionatının yüksək səviyyədə keçiriləcəyinə inanıram
Bakı, 1 oktyabr, AZƏRTAC
Kəmər güləşinin uzun tarixi var. İdmanın bu növü bir sıra ölkələrdə çox populyardır.
AZƏRTAC xəbər verir ki, bu sözləri Beynəlxalq Kəmər Güləşi Federasiyasının baş katibi Xabir Xabibullin Bakıda keçiriləcək kəmər güləşi üzrə III Avropa çempionatından öncə təşkil olunan mətbuat konfransında deyib.
Baş katib kəmər güləşi üzrə III Avropa çempionatının idmanın bu növünün inkişafına təkan verəcəyini vurğulayıb: “Düşünürəm ki, kəmər güləşi milli güləş növləri ilə birlikdə təbliğ oluna bilər. Çempionatın Azərbaycanda yüksək səviyyədə keçirəcəyinə inanıram. Çünki Bakı mötəbər beynəlxalq yarışlara daim uğurla ev sahibliyi edir. Əminəm ki, Azərbaycanda idmanın bu növü üzrə yetişən atletlərin sayı getdikcə artacaq”.
Bölmənin digər xəbərləri
