Xalça Muzeyində toxuma üzrə ustad dərsi keçiriləcək
Bakı, 13 mart, AZƏRTAC
Azərbaycan Milli Xalça Muzeyinin formalaşmasında xidmətləri olmuş xalçaçı-rəssam, sənətşünas alim Cəfər Mücirinin doğum günü ilə əlaqədar boyanmamış yun iplərdən xalçatoxuma üzrə ustad dərsi keçiriləcək.
Muzeydən AZƏRTAC-a bildirilib ki, ustad dərsi 16 yaşdan yuxarı şəxslər üçün nəzərdə tutulub.
İlk dəfə xalçalarında boyanmamış yun ipdən istifadə edən rəssam C.Müciri olub. Onun muzeyimizdə saxlanılan məşhur əsərlərindən biri XVII əsrin böyük şairi Saib Təbriziyə həsr etdiyi təbii rəngli, müxtəlif çalarlı yun iplərdən toxunmuş xalçadır.
Ustad dərsinə qatılmaq istəyənlər öncədən https://forms.gle/Kygtg9afG6yqSysN8 linkindən qeydiyyatdan keçməlidirlər.
Bölmənin digər xəbərləri
