XALQIMIZ 20 YANVAR ŞƏHİDLƏRİNİN ƏZİZ XATİRƏSİNİ HEÇ VAXT UNUTMAYACAQ
Konfederasiyadan AZƏRTAC-ın müxbirinə bildirmişlər ki, görüşü AHİK-in sədri, Milli Məclisin deputatı Səttar Mehbalıyev açaraq, 20 Yanvar faciəsinin günahkarlarının üzə çıxarılmasında, bu qanlı hadisəyə siyasi qiymət verilməsində, şəhidlərin adının əbədiləşdirilməsində Prezident Heydər Əliyevin fəaliyyətindən danışmışdır. O, əmin olduğunu bildirmişdir ki, xalqımız 20 Yanvar şəhidlərinin əziz xatirəsini, qəhrəmanlığını heç vaxt unutmayacaqdır.
AHİK-in sədri faciənin ildönümü ilə əlaqədar Prezident İlham Əliyevin gördüyü işləri görüş iştirakçılarının nəzərinə çatdırmışdır.
“20 Yanvar fondu” idarə heyətinin sədri Nəsib Azər çıxış edərək, 20 Yanvar şəhidlərinin adının əbədiləşdirilməsi üçün son dövrlərdə həyata keçirilən tədbirlərə, şəhidlərin ailə üzvlərinə göstərilən diqqət və qayğıya görə ölkə rəhbərliyinə minnətdalıq etmişdir.
Sonda şəhidlərin ruhuna dualar oxunmuş və mərhumların ailə üzvlərinə 12 milyon 900 min manatlıq yardım göstərilmişdir.
Bölmənin digər xəbərləri
