Xətai rayonunda keçirilən iməcilikdə 1500 yeni ağac və gül əkilib
Bakı, 28 oktyabr, AZƏRTAC
Ölkə Prezidenti İlham Əliyevin tapşırığına əsasən ekoloji vəziyyətin yaxşılaşdırılması, ətraf mühitin tarazlığın qorunması sahəsində görülən işlər Xətai rayonunda davamlı xarakter alıb.
Rayon icra hakimiyyətindən AZƏRTAC-a bildiriblər ki, növbəti iməcilik rayonun Nobel prospekti, Yusif Səfərov və Afiyəddin Cəlilov küçələrində təşkil olunub.
Yüksək fəallıq və xoş əhvali-ruhiyyə ilə keçən iməcilikdə ərazilər məişət tullantılarından təmizlənib, mövcud yaşıllıqlar sulanıb. Ümumilikdə 400 nəfərin iştirak etdiyi iməcilikdə 1500 ədəddən artıq Eldar şamı, evonumus, leylandi ağacları və xrizantema gülləri əkilib.
Bölmənin digər xəbərləri
