“XƏZƏR-LƏNKƏRAN” VƏ “MKT-ARAZ” FUTBOL ÜZRƏ ÖLKƏ KUBOKUNUN FİNALINDA QARŞILAŞACAQLAR
AZƏRTAC xəbər verir ki, aprelin 23-də futbol üzrə ölkə kuboku uğrunda yarışın ikinci finalçısı məlum olmuşdur.
Tofiq Bəhramov adına Respublika stadionunda “Neftçi” və “MKT-Araz” komandaları arasında oyun 1:1 hesabı ilə başa çatmışdır.
Xatırladaq ki, bu komandalar arasında ilk görüşdə də bərabərlik qeydə alındığından (0:0) finala “MKT-Araz” çıxmışdır.
Beləliklə, mayın 28-də keçiriləcək final qarşılaşmasında “MKT-Araz”ın rəqibi “Xəzər-Lənkəran” komandası olacaqdır. Lənkəranlılar bir gün öncə keçirilən digər yarımfinal görüşündə “İnter”i 1:0 (iki oyunun nəticəsində isə 2:0) hesabı ilə məğlub etmişdilər.
Bölmənin digər xəbərləri
