İQTİSADİYYAT
XƏZƏR NEFTİNİN AVROPAYA NƏQLİ ÜÇÜN ODESSA-BRODI NEFT KƏMƏRİ POLŞANIN PLOTSK ŞƏHƏRİNƏDƏK UZADILACAQ
Kəmərin Polşa ərazisindən keçəcək təxminən 500 kilometrlik hissəsinin çəkilməsi 0,5 milyard dollara başa gələcəkdir.
Həmin mərhələ başa çatdıqdan sonra Ukrayna və Polşa boru kəmərinin Qdanska qədər uzadılması barədə danışıqlar aparacaqlar.
Ötən ilin noyabrında tərəflər Brüsseldə Odessa-Brodı boru kəmərini Polşanın neft nəqletmə sisteminə birləşdirmək barədə hökumətlərarası saziş imzalamışdılar. Həmin sənəd Xəzər neftini, o cümlədən Azərbaycan neftini Plotsk şəhərinə nəql etmək üçün Odessa-Brodı boru kəmərindən istifadəni reallaşdırmaq məqsədi ilə hüquqi baza yaradır.
Odessa-Brodı neft kəmərinin Ukrayna ərazisindən keçən, uzunluğu 674 kilometr və nəqletmə gücü ildə 9-14,5 milyon ton olan hissəsinin tikintisi 2001-ci ilin mayında başa çatmışdır.