Xızı rayonunda ölümlə nəticələnən yol-nəqliyyat hadisəsi baş verib
Bakı, 1 mart, AZƏRTAC
Xızı rayonunda ölümlə nəticələnən yol-nəqliyyat hadisəsi baş verib.
Fövqəladə Hallar Nazirliyinin mətbuat xidmətindən AZƏRTAC-a bildiriblər ki, nazirliyin 112 - qaynar telefon xəttinə Sitalçay kəndi ərazisində “Iveco” markalı yük avtomobili ilə “Belarus” markalı traktorun toqquşması barədə məlumat daxil olub. Hadisə yerinə cəlb edilən Sumqayıt Regional Mərkəzinin xilasediciləri yük avtomobilindən müxtəlif xəsarətlər alaraq sıxılmış vəziyyətdə qalan bir nəfəri, deformasiyaya uğrayan digər nəqliyyat vasitəsindən isə bir nəfərin meyitini (şəxsiyyəti dəqiqləşdirilir) çıxararaq aidiyyəti üzrə təhvil veriblər.
Hadisə ilə bağlı araşdırma aparılır.
Bölmənin digər xəbərləri
