XOCALI FACİƏSİ İNSANLIĞA QARŞI TÖRƏDİLMİŞ QƏTLİAMDIR
Bakı, 25 fevral (AZƏRTAC). Gənclər və İdman Nazirliyinin təşkilatçılığı ilə Rəşid Behbudov adına Azərbaycan Dövlət Mahnı Teatrında Xocalı soyqırımının 17-ci ildönümünə həsr olunmuş tədbir keçirilmişdir.
Tədbirdə Xocalı faciəsini əks etdirən süjet nümayiş olunmuşdur.
Gənclər və idman nazirinin müavini İntiqam Babayev bildirmişdir ki, Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmuşdur. Vurğulanmışdır ki,1992-ci il fevralın 25-dən 26-na keçən gecə erməni silahlı dəstələri Xocalı şəhərinə hücum etmiş, dinc əhaliyə amansızcasına divan tutmuşlar. Qansız erməni cəlladları qocaya, qadına, uşağa rəhm etmədən misli görünməmiş qırğın törətmişlər.
Müdafiə Nazirliyinin şöbə müdiri Abdulla Qurbani, Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi Qrupunun sədr müavini Eldar Səmədov çıxış edərək ümummilli liderimiz Heydər Əliyevin ikinci dəfə hakimiyyətə qayıdışından sonra Xocalı faciəsinə obyektiv siyasi qiymət verildiyini vurğulamışdır. Bildirilmişdir ki, bu soyqırımı təkcə Azərbaycan xalqına deyil, türk dünyasına, bütövlükdə insanlığa qarşı törədilmiş qanlı bir aksiyadır.
Tədbirdə Xocalı haqqında şeirlər səsləndirilmiş, məktəblilərin hazırladığı ədəbi-bədii kompozisiya təqdim etdirilmişdir.
######
 |
 |
Bölmənin digər xəbərləri
