Xocalı faciəsi qurbanlarının qanı yerdə qalmayacaq
Kürdəmir, 24 fevral, AZƏRTAC
Kürdəmir Rayon Mərkəzi Xəstəxanasının akt zalında səhiyyə işçilərinin iştirakı ilə Xocalı soyqırımının 24-cü ildönümünə həsr edilən anım mərasimi keçirilib.
AZƏRTAC xəbər verir ki, mərasim iştirakçıları əvvəlcə soyqırımı qurbanlarının xatirəsini bir dəqiqəlik sükutla yad ediblər.
Tədbirdə rayon icra hakimiyyəti başçısının müavini Vəsilə Əsgərli, xəstəxananın baş həkimi Məhəmməd Musayev və başqaları çıxış edərək, 1992-ci il fevralın 25-dən 26-na keçən gecə Xocalıda törədilən qətliam barədə ətraflı məlumat veriblər.
Çıxışlarda erməni daşnaklarının türklərə qarşı törətdikləri soyqırımı hadisələrindən bəhs olunub, Xocalı faciəsinə hüquqi-siyasi qiymət verilməsində ümummilli lider Heydər Əliyevin xidmətlərindən danışılıb.
Çıxış edənlər şəhidlərin qanının yerdə qalmayacağına, işğal olunan torpaqlarımızın tezliklə geri qaytarılacağına əminliklərini bildiriblər.
Bölmənin digər xəbərləri
