XOCALI FACİƏSİNƏ HƏSR OLUNMUŞ ƏDƏBİ-BƏDİİ KOMPOZİSİYALAR NÜMAYİŞ ETDİRİLİR
Bakı, 20 fevral (AZƏRTAC). Abşeron Rayon Təhsil Şöbəsindən bildirmişlər ki, rayonun ümumtəhsil müəssisələrində Xocalı qırğınının on yeddinci ildönümü ilə bağlı tədbirlər keçirilir.
Təhsil ocaqlarında XX əsrin ən qanlı hadisəsi olan Xocalı soyqırımına həsr olunmuş ədəbi-bədii kompozisiyalar, fotosərgilər nümayiş etdirilir.
Şagirdlərə 1992-ci il fevralın 25-dən 26-na keçən gecə qəsbkar ermənilərin Xocalıda törətdikləri qanlı hadisələr barədə məlumatlar verilir.
Fevralın 26-da məktəblərdə ilk dərslər Xocalı faciəsinə həsr ediləcəkdir.
Bölmənin digər xəbərləri
