Xocalı soyqırımı qurbanlarının xatirəsi Şimali Kiprdə də anılacaqdır
Bakı, 23 fevral (AZƏRTAC). Fevralın 26-da Şimali Kiprdə fəaliyyət göstərən Azərbaycan Mədəniyyət Mərkəzinin təşkilatçılığı ilə Xocalı soyqırımının 20-ci ildönümünə həsr olunmuş “Hamımız Xocalıdanıq” adlı anma aksiyası keçiriləcəkdir.
AZƏRTAC xəbər verir ki, aksiyada Şimali Kiprdə təhsil alan azərbaycanlı tələbələr iştirak edəcəklər.
Aksiya iştirakçıları həmin gün insanları bir olmağa, “Hamımız Xocalıdanıq” deyərək bütün dünyaya səslənməyə, BMT-ni bu faciəyə hüquqi qiymət verməyə və ermənilərin vəhşiliyini dayandırmağa çağıracaqlar.
Bölmənin digər xəbərləri
