XOCALI SOYQIRIMININ İLDÖNÜMÜ İLƏ ƏLAQƏDAR “XƏCALƏT” TAMAŞASI GÖSTƏRİLMİŞDİR
Bakı, 24 fevral (AZƏRTAC). Azərbaycan Dövlət Akademik Milli Dram Teatrı Xocalı soyqırımının ildönümü ilə əlaqədar Hüseynbala Mirələmovun “Xəcalət” tamaşasını təqdim etmişdir.
Rəşid Behbudov adına Dövlət Mahnı Teatrında göstərilən tamaşada Xocalı şəhidlərinin xatirəsi yad olunmuşdur.
“Xəcalət” əsərində iki müharibə veteranının müxtəlif talelərindən bəhs edilir. Səngərdə çiyin-çiyinə vuruşan iki qoçaq əsgər sivil həyatda bir-birinə zidd olan vətəndaş mövqeyi tuturlar. Diqqətə çatdırılır ki, müharibədəki çətin sınaqlardan alnıaçıq çıxan bu insanlardan biri üçün məişət problemləri keçilməz olur.
Müharibə şəraitində yaşayan cəmiyyətimizin problemlərinə həsr olunmuş tamaşa əsasən insanların mənəvi problemlərindən bəhs edir.
Bölmənin digər xəbərləri
