“XOCALININ SƏSİ” QƏZETİNİN 15 YAŞI TAMAM OLDU
AZƏRTAC-ın müxbiri xəbər verir ki, 1991-ci ildə işıq üzü görmüş “Xocalının səsi” qəzetinin 15 yaşı tamam olmuşdur. Məcburi köçkünlük həyatı yaşayan xocalılar kimi “Xocalının səsi” də müxtəlif vaxtlarda Bərdə, Tərtər, Quba, Bakı, Gəncə şəhərlərində fəaliyyət göstərmişdir.
Yubiley tədbirində qəzetin kəşməkəşli, ağır həyat yolu barədə baş redaktor Qasım Qırxqızlı məlumat vermişdir. Qeyd olunmuşdur ki, “Xocalının səsi” tariximizin qan yaddaşıdır.
Qəzetin əməkdaşlarına fəxri fərman, qiymətli hədiyyələr təqdim olunmuşdur.
